KDAOMBARAMITA

Ny any aminay

kdaombaramita — Wed, 01 Oct 2008 23:46:25 +0400

Efa mirefarefa
sy tsy ho tana ny hazavàna
Ventso ihany sisa
no voatanisa fa tsy tamàna
Tsaroako indray e
Ny any aminay

Ireo vorona mody e
misodisody mikopaka eny
Ampombaiko veloma
fa tsy hay antsoina
i Kaky sy i Neny

Toa hitako sary eto anoloana
mijinja vary eny am-pamoloana
Ny nanovo rano
miloloha siny
mitantara angano
toy ny fahiny

Manako moramora
toa manakora ny rian-drano
Ny nofy eny manga
ny maso foana manganohano
Singany irery ts'isy mpijery

Erika mifafifafy ny onja mihamafy
manao patrakala
Sarin'ny foko ao anaty
toa tsy mahatanty
fa lavi-malala (Bouboul)

Hira namelan-kafatra

kdaombaramita — Sun, 13 Jul 2008 22:46:14 +0400

Nankaiza daholo ireo "mpibadabada efa zatra" eto amin'ny pejiko ? Toa an-dry : Ikalamako, Pissoa, Lalasoa, Tokinao, Simp, News2dago, Lhltrs, Maintikely, Johary, ... sy ireo mpandalo mamela hafatra. Inty hira namelan-kafatra ho anareo mpitsidika eto, dia araho sioka, tandremo ny manadino solonify ka rivotra no hifofofofo :

Rakoto "mafy loha" (Ny Railovy)

Ho takona tsy ho tazana any ambadika
Any ho any ilay tananako.
Ho saraka tsy ho hita hanoloana ny tavako ‘reo havako.
Hofa-tanan’olon-tiana, kopakopaka mosara no ilaozako.
Morontsiraka mafana, torapasika mandoro, no hovantaniko.

Any an-dranomasina any,
Ambany lanitra mangina no honenako.
Alin-kintana amam-bolana sy rivotra madio no malalako.
Eny an-tokontanin-tsambo miaraka @ gitara no hirako
Ireo hira izay fikalo, ‘reo hirahirantsika tena mamiko.

Ref : Veloma ry Iarivo, ry Iarivo mamin’ny fo.
Veloma mandram-pihaona, tsy hanadino
Anao, Rakoto matlo.
La la la la la la,

Raha sendra embonembona any ho any
Ka voatonona ny anarako.
Dia tsarovy fa manjoy anareo any koa ny eritreritro.
Ireo sarin’ny sakaiza sy ny sarinao ry tiana no fandrianako.
Isan’andro vao mifoha, na ny alina hatory, ho voajeriko.

Mety taona maro angamba,
Eny mbola tsy voafetra no hiverenako.
Aza malahelo foana, fa antenaiko
Hisy fihaonana ny anjarako.
Amin’izay fotoana izay, hifampiantoraka isika, hifamihina.
Ho eo imolotro indray irony teny mamintsika fahizay.

I Soa kelin'i Dada sy i Mama

kdaombaramita — Thu, 03 Jul 2008 10:26:01 +0400

Fony mbola tanora saina, rehefa mitso-drano ireo nahitana masoandro, na tsy voateniny daholo ary ireto teny ireto dia tsapa fa tao anatin'ny tiany ho lazaina daholo. Rehefa miatrika fiainana vao tena mahatsapa azy fa eo ampihainoana azy matetika tsy takatry ny saina mihitsy. Henoy tsara anie rehefa miteny izy ireo fa mifono zavatra lalina ny resaka ataony :

Tsofina rano ireo sombin'ny aina mba ho tafita amin'ny ambony indrindra. Ho olon-kendry sy marina koa, ho reharehan'ny fianakavina sy ny tanindrazana. Ho arahin-jazalahy sy zazavavy, ary ho fenitry ny tanora ankehitriny.

Koa dia ario sy ialao lavitra ny ditra, ny rongony, ny toaka, ny fijangajangana, ny sigara, ny tsy fanajana ray aman-dreny, ny vonoan'olona, ny fialonana, ny tsy fitiavana, fiatsarambelonatsihy, ny fitiavan-tena, ny lolom-po... sns.

Manàna herim-po sy herin-tsaina, mahaiza mandanjalanja ny tokony hatao, aza adino ny fanajana olona, ny firaisan-kina, aza mora kivy satria ny tsy mety atao no angalana anatra eo amin'ny fiainana, hajao ireo ray aman-dreny sy ny fianakaviana, aza mora tezitra, mahaiza misariaka aman'olona sy mandray olona, hajao ny asa fa io no ivelomana ... sns.

Akoatr'ireo ny fampianarana mitondra tokatrano sy ny fahaizana mikarakara izany dia hita tamin'ireo fihetsika andavan'andro izay ataony, toy ny fanasana lamba, ny fandrahoana sakafo, ny fanadiovana ny trano, ny fahaizana manao économie, ny fiantsenana, ... sns.

Eny, betsaka ireo tiany ampitaina satria tiany ho anisan'ny olona feno fahendrena, fahalalàna, fahaizana ary fitiavana i Soa kelin'i Dada sy i Mama. Ireto farany koa dia tia anao lalandava ka na tsy izao ary dia efa tanteraka ireo izay nokatsahany ho anao dia mitohy ihany ny teniny satria fantany fa mipetraka ao an-tsainao izay voateniny ka ho ampiasainao sy ho ampitainao rehefa tonga ny fotoana.

Mahobiaza rahavako.

Kdômbitah

Neny tiana

kdaombaramita — Mon, 26 May 2008 15:07:09 +0400

Mère,

J’ai de toi une image

Qui ne vit qu’en mon cœur

Là, tes traits sont si purs

Que tu n’as aucun âge.

Là, tu peux me parler

Sans remuer les lèvres

Tu peux me regarder

Sans ouvrir les paupières.

Et lorsque le malheur

M’attend sur le chemin

Je le sais par ton cœur

Qui bat contre le mien.

Maurice Carême

Sombin'ny fiainako

kdaombaramita — Thu, 08 May 2008 23:04:31 +0400

Tsaroako ilay fotoana iray hanambara amin'ny ao an-trano fa nisy olona iray nifidy ho taolan-tehezany aho ary handao azy ireo ! Taona maro lasa izay no niseho ny tantara ! Saikatra aho, nefa tafavoakako ihany ilay izy. Ny tena moa efa maty ray aman-dreny t@ izay koa dia ireo zoky no nilazana ity vaovao, raha vazaha aho dia tena rakatra mena tanteraka angambany ny endriko. " Hanambady izahay, hoy aho ", izay no itako nilazana azy. Itako toa akona ihany ireto zoky, izaho koa nalahelo ny foko satria handao azy ireo tanteraka. Tao anatin'ny 20 andro no nikarakarana azy ary tanteraka soa aman-tsara ! Madama aho tao anatin'ny 20 andro monja. Resin'ny fitia ihany taty aoriana ilay mbola rohy tao anatiko tamin'ny fianakaviana izay nitaiza ahy mandra-panambady ahy ! Izay monja !