K D A O M B A R A M I T A

31 Aogositra, 2009 12:42

VARAVARANKELINY

Nampidirin'i kdaombaramita, Sokajy [ Etsy sy eroa ]
[ (13) Hametraka hevitra ] | [ (0) Verindrohy (trackback) ]

Ity indray no fahitako azy ry Dadarabe :)

Ny endrikao soa, nampikandrakandra ao izy izay angambany
Ireto masoko ankiroa.
Ny tsikinao mangataka, ny ho arahi-maso
Tsy hita teo intsony.
Ny feonao malefaka, rehefa mihirahira
Fandreko mampangina.
Ny fofonao manitra, toa miantso nofy
Mampandefa embona.

Nakaiza re ilay malalako mangina
Tahiriko ato am-poko ?
Moa tsy nifanena ve ny nofinofintsika
Nataoko hiara-dia ?
Indrisy, varavarankely mihidy
No mampipitrapitra
Ireto loharano roa
Maniry hahita anao.

Antenaiko tsy ho ela
Dia hiverina indray ilay fitazana.
Miverena akia
Manirery ‘ty foko
Izay efa fantatrao rahavana.
Miandry indray ilay tsiky,
Hitopy aty amiko
Manambara f'efa ... ahy ianao.

(Kdaombaramita 31/08/09)

25 Aogositra, 2009 09:00

Salsa (... ronono)

Nampidirin'i kdaombaramita, Sokajy [ Sakafo ]
[ (17) Hametraka hevitra ] | [ (0) Verindrohy (trackback) ]

Inty ilay voan-dàlana ary ho an'ireo izay nanafatra e !

Nahita ity dia nanamboatra ilay ronono "salsa" (azo asiana vanila raha tiana) sy "tofou" (izay tsapako fa lafo tokoa rehefa itako eny amin'ny mpivarotra) aho. Tena itako :

- tsotra,
- matsiro,
- tena maivana,
- nefa mahavoky tsara
- sy manome hery.

Raha mazoto ianao dia io ny recette. Bon app !

17 Aogositra, 2009 22:10

Sombin'ny fiainako

Nampidirin'i kdaombaramita, Sokajy [ Tahiry tsy adino ]
[ (14) Hametraka hevitra ] | [ (0) Verindrohy (trackback) ]

Tsaroako ilay fotoana iray hanambara amin'ny ao an-trano fa nisy olona iray nifidy ho taolan-tehezany aho ary handao azy ireo ! Taona maro lasa izay no niseho ny tantara ! Saikatra aho, nefa tafavoakako ihany ilay izy. Ny tena moa efa maty ray aman-dreny t@ izay koa dia ireo zoky no nilazana ity vaovao, raha vazaha aho dia tena rakatra mena tanteraka angambany ny endriko. " Hanambady izahay, hoy aho ", izay no itako nilazana azy. Itako toa akona ihany ireto zoky, izaho koa nalahelo ny foko satria handao azy ireo tanteraka. Tao anatin'ny 20 andro no nikarakarana azy ary tanteraka soa aman-tsara ! Madama aho tao anatin'ny 20 andro monja. Resin'ny fitia ihany taty aoriana ilay mbola rohy tao anatiko tamin'ny fianakaviana izay nitaiza ahy mandra-panambady ahy ! Izay monja !

17 Aogositra, 2009 22:08