K D A O M B A R A M I T A

Nalahelo ery ity foko, 

nahita ilay hakivianao, 

toy ny olona voafitaka.

                         Vao nahazo kilalao anefa, 

                         toa nihiratra ity endrika ! 

Toa adinoko avy teo 

fa hay efa lehibe ianao, 

mahay mitaingina bisikilety !

                         Andro iray  lehibe iny anaka,

                         andro nahalehilahy anao, 

                         efa sitrana ny fery. 

Mahombiaza eo @ fiainana rahavako .... Neny tia anao.

Vitsivitsy ihany ireto fa be no mbola tsy tadidiko :

TSY TIAKO NY :

-      Rehefa misakafo dia mandeha mafy be ny télé. Tena tsy henoko mihitsy ny tsiron-tsakafo fa any loatra ny loha. No sady aleoko miresaka ambony latabatra fa eo no hahenoko ny zava-miseho rehetra mahazo ny fianakaviana.

-      Mifanena amin’ny olona be maro nefa voatery manao “bisous”  azy rehetra. Aza mba tonga @ ora farany mialoha fanatrehana fivoriana ihany fa tena leo mitodika ankavia sy ankavanana ny loha in-…….dimapolo ohatra  !!!

-      Miaritra mihaino olona miresaka nefa tena tsy any mihitsy ny fironan’ny saiko. Nandeha nody aho avy nianatra indray mandeha ohatra, tafara-dàlana t@ ilay namako (izay miseho ho snob be) mitantara ny fiainan-dry zareo, izay tena tsy alehany ho an’ny gasy tsotsotra. Tsy nisy azo nialàna fa dia ny hany nataoko dia tsy nihaino azy fa nataoko radio teo fontsiny fa zavatra hafa no nalehan’ny saiko nandritra izany. Soa fa izaho no nivily làlana voalohany t@ izay !  

-      Ilay nividy kapila tena izy (original)  misy tantara gasy, ary tsy vita h@ farany ilay tantara fa tapaka, tsy voasikotra tsara ilay kapila … ! Anatra ho an’ny manaraka fa tsy nety nivoatra mihitsy ilay Malagasy @ “vita gasy” h@ izao hay ! 

-      Fomban’ny lehilahy gasy any @ tanàna rehefa mahita vehivavy dia mikitika fa tsy mba mijerijery fontsiny ! Tena rikoriko mihitsy ianao rehefa tratran’izay, tsy inon’inonao ve dia kitihina, efa tsy valahara mihitsy ny toy ireny ! Koa dia miovà toetrany lahilahy gasy ô !

-      Ilay manofy zavatra mampitahotra ahy. Tsy vitan’ny indray alina ihany fa mitohy ilay izy ny alina manaraka na aty aorina. Ny nanjo ahy ohatra dia mandeha amoron-dranomasina aho kanjo niakatra tampoka ny ranomasina dia nihazakazaka aho miala haingana, nefa tratra ihany ! Miverimberina io ! Tena sorena mihitsy rehefa mifoha.

-      …

GAGA AHO ANKEHITRINY : 

-      Fa tena havanana miteny anglisy andavan’andro ny tanora Malagasy, tena midoka azy ireny aho. T@ izaho nandalo tany Dago farany, dia variana mihaino ireo zaza 11 sy 12 taona miresaka @ io teny io. Fa hay ve tsy ny frantsay ihany no teny vahiny e ! T@ fotoan’androny mantsy dia io frantsay io no toy ny teny faharoa fampiasa tao Madagasikara. Nanomboka oviana ary izao ? 

-      Nefa kosa, ho setriny dia itako ho tena lasa nalefaka ny fahaizana teny Malagasy indrindra rehefa manoratra. Manginy fontsiny moa noho ny fahatongavan’ny finday vao maika lasa very ny atsasa-manila. 

                                                                      Mbola betsaka ny mahalasa saina e !

 NB : tsidio koa I T Y

Odryyy, fa dia gaga aho androany fa mba “nominé” na nisy nifidy ho anisan’ny blaogy gasy tsara hono ity blaogiko ity, ilay fifaninanana BOMBS 2009 e ! Dia izao no hitako tao hoe “sady mahafinaritra no mahatsikaiky koa e !” no fahitan’ilay olona nifidy azy. Misaotra azy indrindra aho nanome fankasitrahana. Ary manainga anareo izay mba mankasitraka koa izay vitako eto aho mba hifidy ahy koa e ! Asa raha haharitra h@ farany fa dia tsofina rano izay tratra farany e ! 

Izany eo ihany fa be izay kidaladala voasoratro teto izay, tena niainana anefany an, sy ireo izay tena "sérieux"  notantaraiko teto  hay ve … izy ireny e ! Hum ! Tato ho ato anefany anie aho tsy nahasoratra fa dia mijerijery ny an’ny sasany eny fontsiny ! Maro ireo hevitra tiako avoaka fa mila “mi-filôzôfa” be dia kamo aho. Ny fiainana any Madagasikara, ny fiaraha-monina sy ny kolotsaina malagasy sy ny sisa moa no tena tiako avoaka araka ny fijeriko azy ankehitriny aty ampita. Mbola hamoaka aho fa andraso aloha, fijery hafakely ny ahy ka mila manomana tsara ny mpamaky izay ato an-tsaiko aho mba tsy hanaitra azy ireo.

Akoatra izay dia ezahiko atao teny malagasy ny lahatsoratro matetika fa io no hany voatanako nahazoako naoty ambony tany ampianarana fahiny. Sarotra ny teny Malagasy ary tena misy fitsipika mamehy azy ka dia ampihariko hatrany io satria mbola tadidiko tsara, raha tsy nisy fiovany angaha taty aoriana ny fitsipika. Ampiarahiko izany ny fampiharana ny fomba fametraka ireo  maripiatoana isan-karazany (teboka, faingo, sns …) satria ao anaty asan’ny tena ny fanajana ny fampiharana azy ireny. 

Izay aloha ny androany fa dia manantena antsika handray anjara hifidy ahy e  ! Oadray, androany aho vao nandinika ity fifaninanana ity marina ! May ny endim-boanjo e ! Mahatsikaiky.

Kdaombita !