K D A O M B A R A M I T A

Hein ? 11 taona no nanokafako ity blaogiko ity .... mbola tiako ho hita rehefa ampy 20 taona aza. Asa, manoratra eto aho fa vao avy namaky ny billets sasantsasany sy ny hafatra napetrakareo rehetra teto, nanjary misy namama moa izany ireo mpamaky, moa mbola ato avokoa ve ianareo rehetra mpitsidika ity e e (New2dago, Sitlo, Ikalamako, Maeva, Finoanaranoiray, Hery, Maintikely, Pissoa, Razaordira, Lehilahytsiresy, Simp, DadaRabe, Mangamaso, Tokinao  ..... sns) ? Asio valiny etsy ambany hoe azafady raha mbola mpandalo eto ihany ??? sa efa lasa any amin'ilay réseau sociale malaza be iry ? 
Ny vaovao avy aty amiko moa izany dia betsaka tokoa. Ohatra : vao avy nifindra trano aho afaka 1 volana izay, rehefa nataoko ny isan'ny fifindrako trano h@ 2008 dia in-5, niahahahaha  !!! gravy be !!!! Leo cartons aho, ary mbola mamoha fona h@ izao, tsy hifindra intsony aho, leo, leo ary .... leo !!! Nefa koa ny fitadiavana mahazaka maniraka e. 

Asa re ry lay e, mbola malaza foana ve ny blog izao sa efa lasa any amin'ny réseaux daholo ny olona ? bonne question ! 

Fa dia soava daholo ianareo izay mandalo eto e, mbola handalo ihany koa aho.   

Ohatran'ny mahaliana ahy ilay fanamboarana application ho an'ny androïd. toa efa feno amin'ny internet izao manampy amin'ny fanaovana azy ireny tsotsotra. Andraso ary fa hanao aho. Inty izao ny site arahiko sao mahaliana anao koa :

http://www.makemedroid.com/fr/

Mbola tsy hay izay ho hapetraka ao aloha fa dia ho dinihina miandalana eo ilay izy.

Mandram-pihaona indray. Raha mahita fanamboarana tsotra noho io ianao dia mba atoroy aho. 

Fanontaniana kely : moa ve raha vita ny fanamboarana ny atsasany dia mety tohizana any amin'ny site hafa ny tapany faharoa ? Ho anareo efa nampboatra izao mahalala ny valin'ny fanontaniako.

 

Gaigy be fa indray hariva aho tato an-trano, sendra teto anoloan'ny ordinateur, injay fa nisy nitselatra tao aorian'ny télé, maty koa ny ordinateur. Tampotampoka teo koa dia reko feo hafahafa tany amin'ny efitra hafa tany, ary ny tao an-dakozia moa dia nisy nirefotra mihitsy. Tsy sahy nivoaka aho avy eo fa saika nisydia nalehako satria nisy fofona zavatra may tao an-trano. Hainareo ny antony fa dia nisy surtension ny courant éléctrique. Tsy haiko aloha ilay zavatra may fa nitady eran'ny trano aho fa tsy nahita. Eto ary no manomboka ny tantara. 

Niresaka tamin'ny voisins izahay fa ny azy dia may ny machine à laver. Ny anay aloha hatreto dia mbola tsy hay hoe inona no voa, fa rehefa tsy naninona ny télé sy ny frigo ary ny ordi dia efa fambara tsara izay.  Nony hamana sakafo maraina vao fantatra fa ny micro onde no tsy mandeha intsony, ary 2 andro tato aoriana vao fantatra fa ilay radio réveil no may nisy fofona tato an-trano, takona dia tsy hita fa vacances koa ny ankizy dia tsy mijery iny tato ho ato.

Raikitra ary ny fiantsoana ny EDF, ary dia natao ny constat ..... be be ihany no voa tato amin'ny quartier misy anay, ary dia efa ho 1 volana sy tapany izao vao tonga ny remboursement momba ilay micro onde maty, nilamina iny aloha. Fa dia mba nanokatra ilay micro onde ihany izahay hoe inona no maty tao sao dia ny fusible no ni-sauter fontsiny ..... hay tena ilay carte éléctronique no maty ! Eto ary no olana satria voatery hividy vaovao ny tena. Ka ny tiana dia mba hoe hisikotra ireo izay tsy simba tao anatiny alohan'ny hanariana ity fananana ity, sao mety hisy ilaina azy any aoriana any. Betsaka tokoa izany raha ny tokony ho izy no azo alaina ao satria carte d'affichage iray manontolo izay no tsy mandeha fa ny sisa mety daholo. Mipetraka ny olana : raha hividy carte hanoloana toy ny hividy vaovao ny vidiny, raha haka ireo ao anatiny dia atao inona anefany satria tsy mitovy ny micro onde rehetra, ariana ilay zavatra marary ny fo hoe mbola be zavatra interessantes ao, ary hangonina hanabe vovoka ato an-trano fotsiny ? Dia mieritreritra fa tsy manarinary foana ny vazaha fa hay tsy misy azo atao rehefa sendra ny toy itony. Izay ilay hoe Société de consommation. Dia mieritreritra mihitsy hoe raha any amin'ny tanàna io izao tena hafa mihitsy ny fandehany an ! 

Fa dia izay e, voatery hariana ity zavatra ity, tsy mandeha fa be pièces azo alaina, tsy any amin'ny tanàna ka voatery hariana. Fusible fontsiny no azo alaina. Dia torak'izany koa ilay ordinateur portable ato, carte mère no voa efa elaela izay ........  

(Gaigy be ry loray ato fa tafiditra foana !)

Ho tohin'ny resako etsy ambany dia INTY ilay émission itako tamin'ny tv teto France, "Inventeur de l'année" 2011 ilay izy.  

--------------------

Zavatra mandresy ny fahantrana ity resehako ity indray, itako fa mafotaka loatra ny fandrobana (izay tsy ho resahiko eto intsony fa betsaka ny lahatsoratra momba io) sy ny fahalanian'ny ala any Madagasikara noho ny fomba fiainana any. 

Kianina loatra ireo any ambanivohitra sy ambanivolo amin'ny fampiasàna kitay sy ny fanaovana saribao @ fiainana andavan'andro fa tsy omena azy ireny kosa ny fomba mety hanoloana izany. Vokatr'izany mantsy dia maro ireo hazo tapahina mba hanaovana saribao. Ray aman-dreninay izao no efa nivarotra ala tamin'ny olona mpanao saribao, tsy nahalala tamin'izany fa ratsy be ity fomba ity ankehitriny satria mety hahatonga an'i Madagasika ho tany karakaina (desert) atsy ho atsy. Narary mihitsy ny foko tamin'izaho nandeha tany Majunga nahita ilay renirano menabe mikaoka ny tany. Misy ala-olana iray anefa ary tena efa miparitaka tokoa izy ity any Inde, izay iantsoana io firenena iray io hoe "pays de l'énergie solaire".  

Sendra nijery documentaire tamin'ny tv aho tamin'ity herinandro ity, ka nahita tampoka ny vehivavy bdb tany Inde ampianarina manamboatra capteur solaire. Nijery teo aho ary gaga nahita olona marobe isan-karazany tsy mitovy firenena : afrikana, amerikana tatsimo, mongolienne, birmanes, ..... nefa any Inde. Kay izy ity ny fandehany dia izao : nisy ingénieur(-s) manao association naka vehivavy samy hafa firenena marobe teo amin'ny 200 isa teo (moa angaha izay raha tsy diso aho), reny sy renibe tsy miasa izy ireo, izany hoe olona mpikarakara tokatrano no sady mahantra no nalainy ampianarina manamboatra fatana sy jiro amin'ny fomba tsotra indrindra satria maro amin'izy ireo no tsy mahay mamaky teny, noho izany dia misy loko no anavahany ireo zavatra ampiasaina amin'izany. Mora vita ilay zavatra noho izany nefa mahomby tokoa satria no-tester-n'ilay ingénieur teo imason'ireo mpaka sary ilay izy hoe tena mamay tokoa ve : nampandaloviny taratasy fotsiny teo amin'ilay vy dia tonga dia nirehitra ilay taratasy. Ny jiro moa dia fotoana fohy mihitsy dia mety maharitra elabe ny hazavana azo avy aminy rehefa hariva. Ilay programa izay maharitra andro vitsivitsy moa dia natao ho an'ny vehivavy mihitsy ilay izy, izay nomena fandraisana manokana izay tonga tany mandritra ny fijanonany tany : trano sy sakafo, satria hono ny lehilahy rehefa mahay zavatra dia mandao ny tananany mandeha miakatra tanan-dehibe ka tsy handroso mihitsy ilay tanàna tokony anaparitahany ny fahaizany. Ny tanjon'ilay association dia ny hanaparitaka ny fahaizana manao ireo zavatra 2 ireo ho an'ireo olona tsy ampy fivelomana @ tany mahantra, tsy haiko raha nisy gasy tao na tsia fa ahiko ho tsy nisy noho ny zava-misy aty (na nisy tokony ho lasa ary mety lasan'olona ny billet-ny nanaovany vaks )

Nisy émission izay koa moa itako tamin'ny tv, teto France izy io, ka samy mitondra ny inventions-ny ny olona dia tsaraina izay tsara indd sy mety ilaina, ka omena financement ilay olona hi-lancer-na azy. "La France a du talent" moa izay, tsy tadidiko intsony. Fa olona 1 nitondra zavatra tanaty boaty, dia nosokafany sy nampiakariny tao anatin'ny segondra vitsy ny tao anatiny, fatana à énergie solaire ilay izy, mety entina hoy izy raha manao picnique na ohatr'izay satria maivana sy mifitina tsara rehefa voapirina ary vetivety dia mafana .... masoandro fotsiny no ilaina, tsara e ! Nidonàka aho nijery azy fa tena nevitra mety tokoa, ary dia anisan'ny nekena ny zava-bitany. Fa tena miaiky aho fa tena tonga amin'ilay hiran'i Lalatiana hoe : "ny masoandro hitondra hafanana, ho an'izay mahay mandray ny azy".

Ka hoy aho hoe, maninona moa raha mba io no ihezahan'ny fanjakana atao any Dago ho an'ny olona rehetra any ambanivohitra any, tena manatsara fiainana, miaro ny tany sy mety betsaka ny zavatra haterany, ary mety ampianarina ny daholobe maro an'isa izay anatin'ny fahantrana tokoa, indd hampidina ny vola aloa amin'ny JIRAMA . Atao tsy lafo ny fanamboarana azy, ary aparitaka faobe sy malalaka ny teknika dia vita ! Ho betsaka ny zavatra aterak'izany fa mino mihitsy aho indd aty amintsika izay mahita hevi-baovao foana. Sarotra mantsy raha lazaina fotsiny ny olona hoe : "manimba sy manapotika ny tany ianareo" nefa tsy omena azy ireo ny fahaizana sy ny fampahalalana ary indd ny vahaolana amin'izany. Itako efa nisy ihany nandeha tamin'ny tv momba ny fampahalalàna ny malagasy any ambanivohitra io zavatra io, fa tsy nampianarina azy ireny sy omena azy ireny ny fitaovana. Na dia atao mora be aza ve dia tsy hety e ? Vitan'ny hafa ve tsy ho vitantsika e ? Ho tara eto indray isika raha mbola tsy ho tafiditra amin'io herinaratra iray io.

Tsy haiko aloha ilay ilaina amin'ilay izy fa tena tsotra be ilay fampianarana nomena ireo vehivavy tamin'ilay itako ka ataoko fa ho mora ny fanaovana izany. Tsy tadidiko akory hoe taiza moa no nahitako ilay documentaire fa notadiaviko fa tsy itako intsony. Izaho koa ary mba te-hianatra izao hoe ahoana marina moa ny fanaovana izany, tsy kapoakako mantsy ny momba ny herinaratra (na dia kdaombaramita ary ny anaran'ny blaogiko) fa mety tsy ho sarotra araka ny noeritreretiko azy h@ izay raha izany.  

Dia izay hoy aho e, am-bava omana am-po mieritreritra. Vidina bodofotsy + menaka 1 litatra ve tsy hahavita io raha ampiana kely ?

Jereo ity 

"Asa arahin-kira, toa vita tsy natao"

Tiako be ny nanaovany ity hira ity, fatratra aok'izany na ny hira sy ny fandehan'ny feonkira(mélodie), na ny arrangement, na ny manodidina, na ireo mpihira (toy ny mpifankatia tokoa, maninona moa ?) sy ny fihetsika ataony ! MAmpahatsiaro ahy an'i Ketaka sy Harena, mbola hitohy e.

Endrey, mampientana ny fo

Ny diantsika roa, maharitra tokoa.

Endrey, ao an-tsaiko izao, fa io ilay endrikao.

Mbola mamiko hatrizao.

Rehefa fetin’ny mpifankatia,

Ianao mamiratra toa fararanon’ny fitia,

Ka dia misarika ahy hampahatsiahy

ilay voaloham-pitia indray,

Ilay fontsika roa nifandray,

tena mamy izay.

 

Ref : 

Fa toy ny vao omaly ny fitiavako anao,

Tsy lefy hatram’izao, vao maika mihavao,

Fa toy ny vao omaly ny fitiavako anao,

N’inon’izay miseho, tsy natao hankaleo.

Enga anie ho samy tokam-po

Ka hanjaka ao ny soa, ilay fiainantsika roa.

 

Endrey ao an-tsaiko izao

Fa io ilay endrikao, mbola mamiko hatrizao.

Rehefa fetin’ny mpifankatia ,

Ianao mamiratra, toa fararanon’ny fitia.

Ka dia misarika ahy hampahatsiahy

ilay voaloham-pitia indray

Ilay fontsika roa nifandray,

tena mamy izay.

 

Mikipy kely dia mireritreritra an'i leiry isika ry zavavy amin'izao hira izao. Araho feo kely ary ilay hira raha tiana fa apetrako eto ambany ny tonony.

Anisan'ny mpihira tiako indd ity mpihira iray lasa ity, nandrotsirotsy ahy tao anatin'ny fitiavana ny hirany rehetra.

"Mmmmmm tiako loatra ianao Rahavako na dia tsy mpandalo eto ary !"

I used to cry myself to sleep at night
But that was all before he came
I thought love had to hurt to turn out right
But now he's here--it's not the same
It's not the same

(Chorus:)
He fills me up, he gives me love
More love than I've ever seen
He's all I've got, he's all I've got in this world
But he's all the man that I need

And in the morning, when I kiss his eyes
He takes me down and rocks me slow
And in the evening, when the moon is high
He holds me close and won't let go
He won't let go 

(Misaotra ry Hery, oufff, nety ihany, fa inona kay no tsy nety tao ?)

Mirary soaho anao amin’ity taona vaovao ity aho.

Hitondra fahasalamana, fahombiazana ary fifaliana

Aleo aloha asiana diam-penina kely eritreritra mandalo eto anio. 

 

Kamo be aho androany hiasa, kamo ary kamo tena kamo. Tena nanazatra loatra ilay WE lavabe teo sady ny ahy nisy mariazy naleha tamin'ny zoma hariva dia efa hatrany no nanomboka. Asa raha toa ahy ianareo fa amin'izao androna krizy izao dia miandry ny fidinan'ny "bourses" ambany hatrany aho ahitako izay vokany eo amin'ny fiainako andavan'andro, h@ izao aloha mbola mandeha² tsara ihany. Asa mety ho avy indray ve ny guerre mondiale atsy ho atsy ? Toa misy feo kely miteny ato anatiko hoe hivadika ny glaoby, i Afrika no mety hisondrotra moramora eo miampy ireo tany hafa nivoatra be (Brésil, Inde, "URSS", Chine, ... sns)tato ho ato fa vita hatreo ny amin'ireto G8 ireto. Tsy haiko hoe amin'ny fomba ahoana fa miandry hatrany aho. Krizy, krizy ary krizy toy ny hakamoako androany ity e ! hay, ny mahatsara ilay krizy dia mampihena ny vidina lasantsy dia mba ..... mitohy ny fitsangatsanganana raha vao misy azo aleha !!!!!   

 

Lasa aho aloha fa tara sao mihinan'ny fatiko eo aho ..... rariva manampy raha tsy reraka loatra. Tsss, kamo aho izany leity e ! Mazotoa ianareo ka. Atao ngôdangôda ilay soratra dia toy ny hoe be lazaina aho androany, ah ah ah  (itony émoticons itony koa dia mbola tsy niampy foana nefa mba efa nivoatra ity blaogy.com ity, pffff)

 

Ho anareo izay mitady batterie kely androany ity misy ROHY dia vakio na henoy.  

Kdoambita ! 

 

(Tandremo fa mamindra ity an !)

(Io fa tsinjoko hisy hiteny eto hoe "mazotoa kdaomba a" ! Asa raha handaitra fa dia misaotra mialoha e, ah ah ah)  

Mba lasa ny saiko fa mandreraka le dechetterie aty @ misy ahy fa tsy mety mandray menaka nanendasana. Nefa tsy azo ariana anaty fanarian-drano koa anefa satria mandoto ny tontolo iainana hono. Ny fiarako koa anefa tsy mety le mandeha @ menaka ! Akory atao hoy Rasaraka ?

Tapaka ny hevitro fa ho dioviko izaho ihany ny menaka nanendasako sakafo dia hampiasaiko hanendasako ihany, sady mahazo tombony aho, tsy mandoto, no tsy miala vola. Nijery nety dia nahita hevitra ! Izao ary ilay anaovany azy :

- tatavanina @ lohana paompy ny menaka nampiasaina mba ho afaka ireo poti-kanina may. Ny ahy eto dia ilay fanatatavanana plastika miaraka @ kaftiera no ampiasaiko.
- maka ilay fanatatavanana kafe jetable ireny indray ary dia apetraka ambony entonnoir io, dia alefa ao ilay menaka tetsy ambony. Haharitra kely ny raharaha eto fa tsy maninona. Averina indroa ity dingana faharoa ity dia hahazo menaka madio toy ny vao avy novidiana hono.

Asa fa mbola tsy nanandrana aho, fa itako fa ho mety ! Farafaharatsiny mba tsy manimba tontolo iainana, satria hono raha araraka @ tany ny menaka dia afaka 400 taona vao azo ampiasaina ilay tany, izany hoe tsy ekolojika ny menaka raha ariana ! Ary azoko raha tsy mety mandray ny déchetterie. Ny menaka fiara ihany no raisiny aloha h@ izao.

Ouf, tafablaogy an-telefona ihany ! Kdoambita !

Mitovy amin'i Pissoa aho : tena tsy mety tafa intsony ny hamoaka lahatsoratra fa tena tery ny fotoana. Hany hery dia mametraka hevitra etsy sy eroa rehefa mba misy fotoana kely iny. Izany Fb izany moa dia nilaozako malakolako. Ny namana virtoely, misy miteny²  foana tsy mamely, hevitra zara raha misy dikany no hiampiresahana lavabe ... rehefa tonga ny sérieux nefa toa tsy hita izay alehany, mijanona no namana virtoely. Leo be izaho, efa manomboka tsy mamely ilay izy. An an an, aleoko ny asako no hataoko tsara amin'izay fa afaka aloha iny ny aretina iray. Raha sanatria ka manina any aorinana any dia mety hiverina hijery kely fontsiny angambany. Fa aleoko mangina hatreo. Ity blaogy ity no hatao fanalan'andro fa mila ho jerena any aoriana any izay fotoana nandalovako. Misy namana virtuely ihany koa eto, fa eto mba lahatsoratra lavalava misy isainana no vakiana sy hifampidinihana.

Izay no ela fa dia miroso ny fiainana.  

... il neige sur mon blog ! Super. Ary ny "toerana fandrindrana" mikorontana aok'izany, asa raha toy izany koa ny anareo fa lasa hafahafa be ! Tsy misy fanamboarana soratra (police) intsony etsy ambony etsy !!! Nakaiza ary i Hery sa lasa nanao vakansy niaraka aminy koa ity tantara manga ity ? Sa mety nokaon-doha any ho any ve i leiry ? Ho avy ny noely, ingahy be noely nefa mbola tsy nanoratako hoe inona no hovidiako ho ahy fa izaho koa mbola zazakely. Androany ilay zanako efa nitondra kilalao nozaraina ho azy avy any ampianarana sahady. Tadidiko aho fahiny nentin'ny dada sy i mama mijery "vitrines" rehefa manatomotra toy izao ny faran'ny taona, faly ery rehefa harivariva iny mahita ireo jiro miloko isan-karazany eny Analakely indrindra indrindra rehefa harivariva. Asa ny anareo .........

 

 

.... izay fa tafaverina amin'ny laoniny, ouf ! Na izany ary anefany dia focer-ny atao janvier 2011 foana ny daty raha tsy mahatsikaritra rehefa mametraka lahatsoratra  na mikitikitika lahatsoratra efa mipetraka, jereo anie !

Mirary paska sambatra ho anareo ! Mbola hiverina aho fa lasa hanao WE aloha. Ny hafatro dia ity efa ato amin'ny facebook ity :

" Jésus Christ fut crucifié à la croix pour nos pêchés, nous sommes libres d'accepter ce geste pour nous, un geste qui reste valable même pour nos agissements actuels "

Manaova fety tsara daholo.

Bisoux

 

 

Amiko io andro io dia milaza zavatra lehibe foana, satria ny andron'ny fitsingerenan'ny andro nahaterahako, tamin'ny 3 ora maraina hono aho no tena teraka nefa dia ny 28 mars no voapetraka tany satria andro alina ilay izy dia tsy nisy nanampo ny ora  Angaha tsy nitombo ranon'orana indray ity izaho hoy ianao !!!

Ary indrinda fitsingerenan'ny andro nisian'ny vonoan'olona tao Madagasikara, olona nitady ny fahafahan'ilay tanindrazako tao Moramanga ! 

Ankehitriny anefa dia toa mbola mifikitra foana ilay firenena France mitady ny harenan'io fireneko io. Ary ny tena loza aza dia tsy miraharaha ny fahorian'ny hafa na misy vonoan'olona mahatsiravina aza ny vokatra ataony, nefa dia hoe mandala ny "droit de l'homme" hono ! Ny tena mampivanaka ny saiko dia ireo olona mpiray tanindrazana amiko ampiasainy satria matin'ny vola ka manao tsinontsinona ny hafa sy ny tanindrazany. Aza adino fa taratasy fontsiny ianao no vazaha fa ianao maity foana aminy na dia mitovy hevitra aminy aza, ilay antsoiny ary ambadika ary hoe "nègre" ! Ary ny fotsy mahay manao politika fa ianao "nègre" dia mitovy lanja @ alikany fontsiny, rehefa tsy mahavita azy aoriana ao dia atsipiny toy ny lamba malotony !

Koa dia mieritrereta fa matoa ianao tsy mbola maty dia mbola mandàla ilay "fihavanana" ramalagasy, miezaka ny handamina manitsy anao, fa raha izao no mbola tsy tonga saina ianao dia mety ho ny tamin'ny 1960 no hiverina hahatonga saina anao sy ny fianakavianao izay ho voaripaka !

Eritreritra lalina mandalo !!!!!  

 

Bonne journée e ! 

Misaotra anareo aho fa nandrombaka ny "PRIX SHOAN" (coup de coeur public '09). Raha vao nanokatra mail vao maraina dia ity no hafatra tonga tao : 

Ce matin, j'ai reçu ce courriel : 

 

Mankasitrana anareo sy ny hafatra ary ny fifaneraserana aminareo aho na dia tsy mifankahafantatra ary isika. Amin'ny mahasamy malagasy antsika no ifandraisana ary tohizantsika amim-pifanajana ny tsirairay izany. Fifaliana, teny tsotra, eritreritra mandalo, fahatsiarovana, fifampitantarana fiainana no eto koa dia malalaka ny sehatra ho antsika tia fihavanana, fifandraisana. Tohizantsika ny mahamalagasy antsika na dia eran'ny vazan-tany ary ny tsirairay. 

Mahazo toraka bà kely daholo izay mandalo eto any ho any  

 

Je vous suis reconnaissante d'avoir voté pour moi, de vos passages et de nos échanges sur mon blog même si on ne se connaît pas personnellement. Continuons de partager la joie, la vie, des petits mots simples, des souvenirs, des pensées en flash et cela dans le respect de chacun. Certains sont loin de la terre de nos ancêtres, mais les blogs (entre autres) sont là pour nous rappeler le "Fihavanana" (lien d'amitié) notre coutume précieuse malgache   

Biz à tout le monde.

 

KDAOMBARAMITA

Io sisa no isan'ny andro dia tonga ny andro krismasy andrandrain'ny maro. Andro natao ahatsiarovana ilay nahaterahan'i Jesosy Kristy tonga hanavotra ny mpanota teto an-tany ho an'ny kristianina maro ny 25 desambra. Amin'ny hafa kosa dia natao fanaovana fety, fifanolorana fanomezana, fanomezana fahafahampo ny ankizy ao anaty lainga hoe ingahibe Noely no nanatitra teo. Misy koa anefa ny mipitrapitra satria tsy manana atoraka ny ray aman-dreniny, na kamboty, na tsy ao anaty ny finoany fontsiny izany. Ny tena mampalahelo moa dia ny mahantra, ary mahalasa saina ahy matetika hoe dia ahoana tokoa moa izany ? Ny efa itako teny Analakely ohatra dia milalao valala kely izy ireny, izay dia efa mahafaly ny fony. Ny ahy izay manoratra kosa h@ izao dia mbola fanontaniana mipetraka. Matetika koa anefa dia tsy mampaninona ahy na dia tsy mahazo ary aho satria faly ery ny foko rehefa mahita ny zanako manokatra ireo fanomezana natolotray ho azy sy ny fisaorany anay avy eo. Efa zava-dehibe ho ahy ny fifaliana eo anivon'ny fianakaviako. Hay, misy fanontaniana izy izany angambany hoe fa firy taona izy ireo ? Ao anelanelan'ny 4 sy 15 taona ary 3 no isany. Fa saingy dia tsy nofahananay lainga momba an'i ingahibe noely mandalo, lazainay azy ireo hoe "olona mi-se déguiser ilay ingahibe noely ". Dia izahay no ifaliany fa tsy ny zavatra tsy misy. Nahatsiaro ilay tantara aho hoe nodarohan'ny ankizy ilay ingahibe noely taty aoriana fa mpandainga, ary avy eo tsy nahatoky ny ray aman-dreniny intsony ireto ankizy taty aoriana. Izay ny amin’iny fa dia mirary fahasoavana ho anareo rehetra amin’ity faran’ny taona ity aho, veloma ny aina hahatratra ny taona 2010 ka hiara-paly indray ny Malagasy rehetra. Ny faniriako dia ny hahatapitra izao krizy any Madagasikara izao, ka hitohy hazava indray ilay efa mba jiro nitsilopy tsy hita hatry ny ela teo aloha. Enga anie ka ho fampandrosoana tanindrazana tokoa no iarahan’ireo ankolafy telo ireo fa tsy politika hifandrombaka toerana hanapotika firenena indray no miandry. Koa maninona tokoa moa raha izay vavaka izay no ataoko fanomezana ho ahy ? Satria hoy ny teny hoe : “ny finoana dia mino izay zavatra angatahina na dia mbola tsy itan’ny maso ary” , koa dia MINO aho fa hilamina ny tanindrazako. N’est-ce pas que c’est un beau cadeau ? Koa dia matezà ao anatin’ny fahasalamana ny aina hahita izany aoriana kely ao.

<<< MANAOVA KRISMASY SAMBATRA DAHOLO >>>

 

Tonga ny fialan-tsasatra ity. Hisinda kely koa i Kdaombaramita. Nefa tsy mitovy aminareo. Ianareo hiala voly, izaho hanao raharaha mafotaka : mameno baoritra, dia ampidirina anaty fiara fitanterana, dia mandeha lavitra be .... tssss hainareo ny tohiny :( Tsy ho moramora ny azoko ilazàna azy e ! Asa, inty sisa no farany hametrahako lahatsoratra aloha fa afaka andro vitsivitsy indray vao ho tafaverina. Asa raha hahita izany hoe faritra rakotry ny wifi izany eny an-dàlana eny ka hanokatra internet mba hahazo ilay ranony, fa dia ho hita eo. Ny mpanome ranon'aina azy itony koa moa maharitra vao mahazo valiny araka izay ilaina, koa dia miandry ny fahatapahan-kevitry ry zareo @ fotoana izay heveriny ho mahamety izany. Dia hifanoratra eto ihany isika raha tahiny ka mahita omem-potsiny eny aho :)

 

Eny ary, koa dia mahazoa fahafinaretana daholo ianareo izay mandalo eto, aza adino ny mametraka hafatra fa mahafinaritra foana ny mahita olona mitsidika ity blaogiko ity, tsy adino ny hanihany na tsy mifankahalala ary isika na mifampitra hevitra fontsiny dia efa mahafaly ... Raha toa ka mametraka hafatra ianareo, ka lavalava ilay voasoratra na mety ho nijanona ela teo ianareo dia mety ho mafimafy kely ny fandavorariana izany. Hafatra kely ho an'izay mbola tsy mahalala : alohan'ny hametrahana ilay hafatra dia ataovy copier aloha ilay hafatra, tsindrio ny bokotra F5 (actualiser), dia avy eo ataovy coller, dia fenoy ny sisa dia alefaso avy hatrany, dia izay ! Tsotra foana fa aza misahotaka :)

 

Hira tonga ato an-tsaiko tampoka :

 

" Ento aho hanaraka anao,

hifalifaly sy hilalao,

hitazana ny fahitanao,

madio sy tsotra re ny fiainana ! "

 

(Del Orchestra)

 

Soava daholo ô !  

Aiza ny fahendrena e ? Dia tena sahy tokoa izany ankizy fa na dia mbola tsy hary hozatra tsara ary ny tenany dia nahavita zazakely. Dia gaga ny tenako nahita ity tovolahy kely 13 taona (12 ans et quelques), tena mbola zaza tokoa ny mijery azy, mbola milalao kanety e, nefa dia rain-jaza fa vao teraka tamin'ny 09 février 2009 teo ny sipany izay 15 ans (14 ans et quelques). Dia manontany ny tena hoe tsy nahay nitaiza ve ny ray aman-dreny sa dia jilajila sahady ny ankizy ? Jereo anie ny sary e ! Aleo mitandrina ka, mbola aiza ity fiainana ? Jereo eto 

 

YEAAAAAAAH, iza no nivavaka ka ketraka amin'izao zava-misy eo amin'ny firenena izao ? Aza kivy fa tsy ho ela dia hisy valiny ny vavaka natao ! Tena mitsinjaka mihitsy aho mahare ity hira ity. TSY HO ELA HOY AHO E .... ! Inona no nataon'ny zanak'israely rehefa mandeha an'ady ? Mihira fiderana an'Andriamanitra ! Koa iza no mafy noho ilay Nahary izao tontolo izao na naka fanafody tetsy sy teroa ary ? HE HE HE ! Anay ny tantara e ! Anay i Madagasikara milamina sy ao anatin'ny fandrosoana, ary ny ara-dalàna e !!!! Henoy kely ilay hira aloha fa tena milay : la la la la la la la la ..... Miala any ny revanche e !!!!! (tsy mbola tara raha misy te-hiova hevitra miaraka aminay fa lany ny vola). Mankahery anareo aho hanohy ilay vavaka efa natomboka fa Andriamanitra manana ny fotoany izay tsy haintsika fontsiny, derao hatrany Izy @ zava-miseho rehetra. Mazotoa daholo e !

Mails vao azoko izy ity ka tsara mba vérifier-na ihany ry fanjakana fa mijaly ny vahoaka :

 

2000 hommes izahay, mandeha par groupe de 10, na 15 na 20. Mamaky izahay ,mamotika hatramin’ny farany, mandroba ny foule avy eo. Izay milaza fa tsy TGV dia darohanay, eny Ampefiloha no tena tobinay. 4×4 roa no mandeha rehefa mikisaka i Andry, ny iray misy ny essence fandorana. somary mifoka kely izay matahotra, rehefa atahorana hamely ny Miaramila selon ny resnseignement dia mitsondrano fotsiny i Andry fa tsy mankany. Nolazaina anay fa Cousin-ny Andry ny Général Faly Rabetrano ka tsy misy antahorana ny @ EMMONAT REG. Telomita sy ny Aeroport d’Ivato sisa tsy vitanay, Telomita moa iarahana @ Rolland Ratsiraka, fa nohon’ny olana teo @ izy roalahy dia niato io. Izao dia ejehina aho satria nitaky ny volako; Raha tsy mino ahy ianao dia mankanesa eo Ambohijatovo, Ambanin’ny OMNIS isakin’ny alohan’ny Miting fa ao no fizarana ny vola. Tsy nisy ny Miting Alakamisy sy Zoma fa nakambana Asabotsy ny fizarana ny vola fa efa nihena be niolona ny Atalata sy Alarobia.Ny tenue tratra ny teny Itaosy ka tsy afaka nanao io izahay ny sabotsy
Madio ny saiko zao fa nilaza ny zavatra rehetra tato ampoko zah. Afaka mamono ahy ialahisany izao; fa tsy hamonjy ny fihaonana, fizarana armes, any @ Alain intsony zah, n’inoninona ataonareo ahy. Anjaranao ry fanjakana sisa no miaro ny ainay izay miala tsy ho TGV intsony, raha vitanao io dia maro ny miala ao sady ny vola efa mihena sy tsy hita.
Signature illisible 

Tapitra aloha iny tag momba an'i Afrika iny. Fa izao : hoy ny fiteniteny aty an-tany lavitra hoe : 

Relax Max,

Tranquille Bill,

Cool Raoul.

Fa hoy aho hoe mba tena nivaky loha aho nanova io blaogiko io ka izao aho vao mampiasa ireo fiteny ireo mahita ny zava-bitako. Hi hi hi, nataoko ity post ity mba hahitanareo azy sy mba hametrahanareo fitsikerana mety ilaiko na mety tsy ilaiko koa. Atao ahoana e, misy ny azo raisina misy ny tsy azo raisina fa tsy maninona fa mametraha ihany hafatra dia ho hitako eo ! Tsy masiaka aho akory fa mananihany re !  " MILAY VE ? " 

Hono ho aho ry zareo mba te-hahalala aho : inona tokoa moa no tena atao hoe MIFOSA ?

- Miresaka zavatra ratsy momba ilay olona ve ? raha misy ratsy tokoa ary ilay olona dia ahoana ? ary misy ilay ratsy matoa mifosa iretsy ... 

- Dire tout haut ce que les gens pensent tout bas ? Tokony ho fantatr'ilay resahina ihany anie ts'inona e !

- Mitakoritsika ny ataon'ilay olona ve ? Maninona no manao izany raha tsara no ataony ? 

Tsy dia azoko loatra ilay hevitra raha toa ka milaza ny marina ny resaka any ambadika. Sa mbola misy fanampiny azonareo tenenina ampiarahina ohatra ve ? 

Toa tsy mety misy lasa ny messages bdb nalefako valin'ilay "mitady feom-behivavy" izany fa mba jereo e ! tena efa bdb mihitsy no nosoratako tao fa asa ise raha miasa be loatra  angambany !!!  

Toa hevitra tsara indray ity hoe ny friandises no taxer-na be ! Tena MANAIKY be mihitsy aho fa tsy ny PPN akory no fantsihina nefa atao mivandravandra isan'andro hoe : " Evitez de manger trop gras, trop sucré, trop salé " sy ny hoe " Manger au moins 5 fruits et légumes tous les jours ". OUF, ..... un soupçon de sagesse!  

Mety resaka science (eritreretiko hoe éléctricité) ilay izy fa izaho efa nahita ity zavatra ity : rehefa matory amin'ny alina ka pihina ny jiro ary ao anaty aizina, ilay mbola tsy mahita tory iny fa mivadibadika dia mahita zavatra lavalava kely toy ny tapa-kahitra manify tokony mirefy eo amin'ny 2 cm eo ho eo, mitselatra aingana be mihitsy ary miloko maitso. Tsy mbola matory amin'io an, fa ilay izy tsy mety jerena maharitra fa rehefa sendra azy dia mahita. Ao an-trano mihidy io fa tsy eny hanabakabaka akory, ary tsy matetika ilay izy. Efa nahatsikaritra io ve ianareo ?    

La différence entre un défi et un projet c'est qu'on peut se réaliser par le projet. Réaliser un projet est parfois un défi. Un défi qu'on lance à soi-même peut se métamorphoser en projet. Le défi fait appel à la spontanéité, le projet à la réflexion. On peut planifier un projet, pas un défi. On doit être audacieux pour relever un défi, courage et tenace pour un projet.

 

BON COURAGE à tous, que vos projets soient réalisés !

 

 

 

 

 

 

 

 

Hélas, je ne l'ai jamais vu

Ilay teny, tenindrazako
Dia haiko tsy nindramiko
Nanaovana ny lelako
Ka haiko tsy avelako

Lalaiko f'io ny teniko
Iombonako amin-dreniko
Tsy afaka ao am-bavako
Mambabo ny fitiavako
 
Vao vaky ny fibadako
Teo an-trotron'i dadako
Dia io no nisantarako
Ny angolam-pahasambarako

 

Fiteny aombiazako
'Lay teny soa an'ny razako
Nanaovana ny fiainako
Namboatra ny fisainako.   

Kdômbitah !

Ahatsiarovako ilay any aminay e ! Indrindra rehefa tonga ny hoe " litchis de Madagascar " eny amin'ny mpivarotra lehibe ! MIAMMMM ! Fantatrareo moa fa ny manga ny voankazo mahazo ny laharana faharoa tena be mpihinana indrindra eran-tany aorian'ny akondro ?

Kdômbitah !

Hafa kely amiko ny andro anio. Nijohy efa ela ny ranon'orana.  Ary dia mbola nitombo izy androany, nitombo ranon'orana iray ! Tsy hitako anefa izay niova teo !  Na ny tato an-trano ary tsy nisy nahatsapa io fijojon'ny orana io ! Nefa mofomamy no tokony arosony ho ahy farafaharatsiny !  (tohiny)

Sendra nijery télé aho androany, reraka io harivariva io. Nalaina daholo ireo telekômandy mba tsy hifidrafindrana raha ilaina. Inona hoy ianareo no niseho : nanindry mafy ery aho, tsy niova ity fandaharana, nony elaela teo vao nijery aho, inona ary no nitranga ? ............... Raha misy mahazo an-tsaina izay antony dia milazà fa HAFAHAFA ilay izy

Kdômbitah.

Ity trangan-javatra iray ity no mba manitikitika ny saiko. Resaka ankizy izy ity ka manahirana ihany satria tsy zanakao no manao azy fa an'olona. Aty andafy mantsy dia tazaina libre ny ankizy, hany ka tsy ananany intsony ny fahalalam-pomba, tsy manaja olona fa dia manao izay tiany.

 (tohiny)